Makrelkorrupsjón

Føroyska samfelagið eigur ræðisrættin á einum ikki heilt óbetýðiligum parti av heimsins matvørukova – ein partur, sum verður meira virðismikil fyri hvørja miljard av fólki, sum leggst aftrat her á fold.
Hetta ríkidømi er púra sjálvsagt ogn hjá okkum øllum – livandi og komandi føroyingum. Tað eigur sjálvandi at koma øllum skattaborgarum til góða, so at gerðandisdagurin gerst liviligari hjá øllum somlum.
Men ein óunniliga korrupt makt er í ferð við at finna røttu undirskriftirnar á eitt skjal, sum skal lata ognarrættin til hetta ríkidømi upp í hendurnar á einum úrvalsliði av føroyingum, so at teir og arvingar teirra skulu fáa exklusivan rætt til miljardirnar.
Eitt fáment lið av reiðarum hevur vunnið sær so stóran rætt í politisku skipanini, at nú seyrar út millum samankomingarnar av esjandi rotinskapi.

Eitt felag við bæði føroyskum og útlendskum luttakarum bjóðar okkum hundrað miljónir fyri onkran enn ókendan part av makrelkvotuni. Lat liggja hvussu stór nøgdin var, og lat liggja hvussu kiloprísurin var – tað áhugaverda er, at teir eru so grammir eftir fiskinum, at teir við hesum tilboði, royna at bróta korruptu samgonguna millum úrvalsliði og politikararnar.
Eg leggi einki í um teir verða skýrdir strámenn og útlendingar. Teir kunnu vera sjórænarar fyri tað – tað leggi eg onki í.
Tað áhugaverda er, at hetta avdúkar virði í hesum øgiliga ríkidømi vit eiga í strategiskum virði – matvøru í havinum.
Allir óheftir búskaparfrøðingar í landinum hava í áravís heitt á myndugleikarnar um at finna eina samfelagsliga betri skipan til atgongd til fiskiskapin. Ikki at geva hann burtur til hetta fámenta úrvalsliðið, men onkra aðra meira samfelagsgagnliga skipan.
Tí onkur skipan skal gerast. Onki land kann eiga eitt so dýrmett ríkidømi, uttan at onkur rímilig skipan er til atgongdina. Og vit eru eitt land við framkomnari, demokratiskari skipan eftir norðurlendskum siði – og tá er so líkatil at skipa okkum so búskaparliga skilagott og so demokratiskt, at skipanin bæði verður haldfør og økir vælferðina í landinum.
Búskaparfrøðiliga er onki skil í hesum exklusivu rætindunum til tey, sum frammanundan eru ríkastu borgararnir í landinum. Tað er púrasta fremmandur atburður í okkara slag av framkomnum norðurlendskum demokratiið. Tað verður aldeilis ikki haldført, tí komandi ættarlið fara at gera sítt ítarsta fyri at broyta skipanina.
Oman á tað heila er hetta tað reina og skæra rán.
Føroyski skattaborgarin kundi fingið ein varandi skattalætta upp á einastaðni millum 10 og 20 prosent, um atgongdin til fiskiríkidømið varð seld eftir vanligum marknaðarreglum. Hesin skattalætti kundi verið latin uttan at nakar sum helst skaða ella hóttan  um framtíðar skaða.
Her er bara ein skila loysn – seljið atgongdina til alt fiskiríkidømið ella syrgið fyri eini skipan, sum mest líkist vanligari sølu. Ikki bara makrel, men allan fisk.
Gevist við hesum korrupta og korrumperandi spælinum, at geva einum lítlum, og frammanundan ríkum úrvalsliði av føroyingum hesar miljardirnar.
Vit eiga tær øll – livandi og enn óføddir føroyingar.

40 comments:

  1. Onkursvegna mugu vit gera politikarum greitt, at teir hava eina ábyrgd, og at um teir brúka sínar heimildir sum umboð fyri fólkið við grovum ábyrgdarloysi at avreiða fólksins virðir, so kunnu teir verða rættarsøktir á sama hátt sum leiðslan í Eik banka nú verður. Her er ikki bert talan um landsstýrisfólk, men um alla tingmanningina, sum atkvøður fyri slíkum ráni.

    ReplyDelete
  2. Púra samdur. Men tá tað eru somu fólk, sum smíða landsins lógir, so eru teir eitt sindur betur vardir enn leiðslan í Eik. Men tá kann man so siga at tað í moralskum høpi eisini er vorðið upp aftur meira kriminelt

    ReplyDelete
    Replies
    1. Ja, politikararnir eru rættiliga væl vardir, men tað verður spennandi hvat rættarmálini í Íslandi enda við.

      Kanska skal man minna føroysku politikararnar á hesi rættarmál. Eg royni: http://flovin.blogspot.com/2012/01/ein-avaring-til-kaj.html

      Delete
  3. Áhugavert og háaktuelt. Skulu vit koma á mál við eini demokratiskari tilgongd í makrelmálinum, gerst hetta helst bara við eini fólksligari rørslu. Rørslan má vera breið, frá embætisverkinum til skipsdekkaran og seyðaskinsbóndan. Klóku búskaparfrøðingarnir mugu í sínum argumentsjónum brúka eitt orðaval, sum øll skilja. Nógvir spurningar fara at reisa seg og tí koma vit bara á mál, um fólksliga rørslan er samd um
    grundleggjandi meginreglurnar.

    ReplyDelete
  4. Ja, Helgi, man átti kanska at víðka tað til eitt mál um eina demokratiska tilgongd viðvíkjandi grundleggjandi rættindunum hjá borgarunum í málum um náttúruríkidømið sum heild. Og ikki minst um vandarnar við korerumperandi makt í búskaparligum málum, náttúruríkidømi viðvíkjandi.
    Eitt land við so stoltum tradisjónum viðvíkjandi býti og røkt av náttúruríkidøminum, má ikki fara í rot á hendan hátt.
    Eg eri samdur við tær, at vit mugu fáa eina breiða demokratiska avgerð um hetta málið sum heild. Tí sleppur ein sovorðin svullum at sita í samfelagspolitiska krovinum, verða brot á demokratisku tradisjónirnar partvíst legalar, og so eroderar grundarlagið alt sum tað er

    ReplyDelete
    Replies
    1. ‎@Hermann - som revisor opstiller jeg flere regnskaber for fiskeskibe. Hvordan skal jeg "folkeligt" overbevise partaeigarnir om rigtigheden af tilfeingisgjald - med de røde bundlinier eller meget beskedne sorte bundlinier - en tendens der gør at banker stort set ikke låner penge ud til landets hovederhverv for tiden. Jeg ved godt at dit svar er at lade markedet rydde det urentable af vejen(jeg er tilhænger af markedet) men det argument er svært at formidle videre til den unge dekkari i Hvalba og Sandvík...

      Delete
  5. Vit eri fullkomiliga samdir, her má okkurt gerast. Revurnar kann ikki ansa gæsnum. Tjóvsvætti sita og umsita hetta mál í Landsstýrinum.

    ReplyDelete
  6. Eg hugsi um hettar var á sama hátt, um talan var um olju??

    ReplyDelete
    Replies
    1. Man hevur longu oljuavgjald í dag, - enn er tað so, at hetta verður álagt pr ltr. eftir sølu.

      Man kundi vælsaktans sett hetta avgjaldið á hvønn litur sum verður boraður upp.

      Delete
  7. Ognarrættur er tjóvarí, segði André. Hevur tú púrasta svikið Hoxxa, Marx og KFUML?

    ReplyDelete
  8. Hetta eigur at vera galdaandi fyri alt tilfeingi.
    Jørð, undirgrund, luft, loftrúm, ilt, vatn, olju osv.
    Bara ikki fyri hugflog hjá hvørjum eisntøkum.

    ReplyDelete
  9. “Every man has his price” Hetta er ræduligt fyri Føroya Fólks ogn! Tíverri er vit borgarar alt for tolnir. Men nú er tann stundin komin, har vit mugu standa saman sum fólk! Bodskapurin til tí politika skipanini er: - nú er nok - nú má skil koma á!!!

    ReplyDelete
  10. Tað er áhuga vert at lesa hesa grienina, serliga tá ið ein hugsar um at skrivarin av greinini ongantíð hevur gjørt eitt tað einasta arbeiði sum hevur betra um landskassan men bert verði løntur úr honum, og so var tað tjóður heldur hvønn mann stjala.

    ReplyDelete
    Replies
    1. Til tín, Anonymous
      Pínadoyðs bløðra, tú ert, óhjálpin, góðtrúgvin, minni mentur. Tú átti at leitað tær hjálp onkustaðni ímóti sovorðnum heilavaskaríi, ið tú ert fongdur við. Vælsignaður royn og hugsa um, hvat tað er, sum gongur fyri seg á ovastu rók í føroyska samfelagnum í dag!

      Delete
    2. Ja mín góði ørvidisknokkur av einum serfrøðingi, eg veit og sýggji hvat er gali her í samfelagnum, tað fyrsta vit skulla gerða er at sýggja í eyguni at vit ikki hava ráð at hava øll hasi almløntifólkini sum bert eru útreislir fyri okkum sum gjalda inn í landskassan, og um tú tvíðheldur um at tað er ílagi at brúka meir enn man tjenar so skalt tú fara og biða um at fáa skúlapenganar aftur.

      Delete
  11. Til Anonymous kl. 03:39:

    http://hermannsstova.blogspot.com/p/hvr-er-hermann-oskarsson.html

    ReplyDelete
  12. Rættuliga hørð orð H Oskarson brúkar í síni grein. Eg haldi at um vit skullu hava nakað annað system viðv fiskakvotum osv so má tað gerðast fultfígga og við skili, og ikki bara siga at hetta vit hava ikki er gott nokk.
    Um vit hygga rundan um okkum Norra-Ísland-Grønland-Canada so hava øll hesi lond líknandi skipa sum vit, ja faktis eru kvoturnar har samlaðar á enn færri hondum enn her.
    Hugsi bert i Canada verður goldi nøkur oyru/kr pr. kg kvotu hvørt reiðarí fær, og tað er kanska eisini ein skilagóð og einkul loysn. Høvusmáli má verða at eitt reiðarí veit hvat kvotu tað fær næsta ár, annars skramblar alt saman, so sum tað hevði gjørt við uppboðsølu. At selja kvotu til útlendingar hoyrir jú so ongastaðni heima, mær vitandi finst hetta bert stað í sera tilafturskomnum londum har teir onga fiskuvinnu hava sjálvir.
    Tað tykist sum H Oskarson heldur at tey Føroysku reiðaríni eru bara komin til skorin klæðir av útvaldum polittikkarum og korruptión sum tað ljóðar, hetta er als ikki so, flestu reiðarí her heima i dag eru byrjaði í smáum og arbeitt seg til tað tey eru i dag, men nógv eru farin á heysin og menn hava mist alt.
    Um onkur 'nýggur' ætlar sær í fiskivinnuna so er púra rætt sum ofta framført er at tað er sera sera ringt at koma framat, og um man so aftrat skal seta mark í 2018 at allar kvotur fella vekk sum tit ynska , so er so fulkomiliga ómøguligt, og skal man so keypa kvotuna aftrat so er so uppaftur meir ómøguligt. Tí man nýtist ikki at verða búskaparfrøðingur fyri at roknað út at um man skal hava eitt skip sum óiva kostar minst 100 mill og so ikki vitaa um man hevur kvotu næsta ár, er sjálvsagt at als ongin banki vil fígga eitt slíkt órvitisprosjekt.
    Bjarni Petersen

    ReplyDelete
    Replies
    1. Takk fyri viðmerkingina Bjarni Petersen.
      Eg eri keddur av at hesar atfinningarnar at politiska regluverkinum um føroyskan fiskiskap ofta verða uppfataðar sum vanvirðing fyri reiðarum og fiskimonnum.
      Lat meg tí byrja við at vátta, at eg havi allarstørstu virðing fyri fiskimonnum. At vera fiskimaður er ikki bara sum at siga tað - tað er tungt og strævið lív at vera so nógv burtur heimanífrá og sjólívið krevur veruliga sín mann. Sjálvur fann eg út av, at eg megnaði tað so ikki.
      Føroyskir reiðarar eru ofta sjómenn - aktivir ella uppilagstir, so teimum havi eg virðing fyri sum sjómenn eisini.
      Ikki minst havi eg virðing fyri tí serstaka kunnleikanum, sum sjómenn mangan vinna sær í sínum arbeiði.
      Men eg havi eisini sømiliga virðing fyri teimum reiðarum, sum ikki eru sjómenn, men rættuligir kapitalistar. Tí tað er eisini eitt arbeiði, sum krevur vitan og áræði.
      Men tað forðar mær ikki samstundis at seta fram búskaparfrøðiligar og vinnupolitiskar meiningar og analysur.
      Ein og hvør vælgrundað meining og analysa eiga at sleppa upp í kjakið um hvussu vit best skipa okkara tilfeingispolitikk og okkara vinnupolitikk. Hvør tannlækni, sjafførur ella sjúkrasystur kunnu hava sína meining um hesi málini. Og allarflestu sjómenn hava sínar meiningar eisini.
      Eins og fiskilívfrøðingar hava sín teoretiska kunnleika um lívfrøðina í havinum, hava vit búskaparfrøðingar okkara serligu teoretisku vitan um samfelagsbúskap og vinnupolitikk.
      Eg skal uppaftur einaferð staðfesta mína virðing fyri fiskimonnum og vinnurekandi, og standi samstundis fast við mín egna førleika sum frøðingur.
      At møtast í siðiligum orðaskifti um hesi mál er altíð ein frægd.

      Delete
    2. Ja tú fekst nokk at gerða við at svara Hermann.
      Nei uppboðsøle eri eg vísur í er ikki tað rætta, heldur má man finna onkra loysn við at t.d. áseta eitt fast gjald fyri /kg makrel, eitt annað gjald fyri tosk osv
      Tit sýnast yvurraskaðir yvir at onkur bjóðar t.d 2,50kg/kg fyri makrel. Vit hava í ártavís keypt rækjukvotu a Grand Bank og í Eysturgrønlandi fyri uml 2 kr/kg og tá tosa vit um hvar vit fiska bert i meðal 10 ts pr dag a ca 20kr/kg, meðan man tosar um nøkur 100 ts tá man fiskar makrel.
      Nú havi eg fiska í 25 ár undir Føroysku flaggi men aldri havi eg følt meg/okkum meir órættvís behaldlaðan við at vit direkta hava mist okkara eystgrønlansku kvotu nú 3.ári á rað uttan at hava fingið naka sum helst afturfyri.

      Bjarni Petersen

      Delete
  13. oskar tu kanst royna teg sjålvur keyp tær skib og kvotur so sært tu veruliga hvussu ta er at driva fiskivinnu her heima minst so til at manna skibuni vi føroyskum sjomonnum og løna teir eftur føroyskum såtmalum .at leiga utlenskar fiskimenn og skib Ok men hvar eru arbeidis plåssuni hjå føroyngunum? hvat vi teimun sum hava keypt skib og fiskirattindi skal landskassin geva upphøgg studil ..hvat vi folkinum sum arbeidir vi fiskivinnu.. hvat vi teimun hvat skullu vit so vera her til tå utlandingar sum fåa litla løn skullu arbeida fyri okkum Nei OSKAR bruka heldur titt vit til hvussu vit faa skabt meira arbeisis plåss til ta folk sum byr her so gert tu eitt gott arbeidi

    ReplyDelete
    Replies
    1. Takk fyri viðmerkingina, men eg havi ikki skrivað nakað um at útlendingar skulu sleppa fram at fiskiskapinum. Vilja føroyingar at bara føoysk skip skulu fiska undir Føroyum, so er tað í lagi fyri mær. Tí skilji eg ikki hví tú leggur meg undir slíkt.
      Men fiskiskapur hevur nú tað hepna íborðið, at hann verður meira effektivur sum tíðin líður. Og tað má enda við at færri og færri sleppa at dríva fiskiskap, tí tað verður ikki meira til av fiski samstundis. Heldur tvørtur ímóti tykjast stovnar og veiða at minka í hvørjum.
      Tað er natúran sjálv og so okkara egni fiskiskapur, dálking og annað, sum hevur ávirkan á tað.
      Ein ella onnur regulering skal vera, so avgerast kann hvør ið skal sleppa fram at fiskiskapinum. Vit hava eina - men eg haldi bara at hon er ikki nóg góð.

      Delete
    2. Púra ósamdur við tær at tað er líkamikið um tað eru strámenn ella um tað eru sjórænarar sum fiska tilfeingið. Kann eisini upplýsa tær at bæði í Norra og Íslandi er fastsett at tað skal vera 100% ognarrættur í fiskivinnuni á sjónum. Hetta fyri at forða fyri spekulasjónum. Um man skal brúka tína argumentasjón um skipan av fiskiskapinum, so kann man eisini siga at alt arbeiði sum verður bjóða út í fríari kapping har føroyingar og útlendingar frítt kunnu bjóða. Tað kundi væl hugast at so vóru tað indar, kinverjar sum gjørdu tað arbeiði sum í dag verður gjørt av føroyingum. So kunnu føroyingar liva av almennum stuðli. Trúgvi neyvan at nakar heldur tað er ynskiligt. Man skuldi heldur tikið hattin av vinnulívsmonnum sum við tógvum stríði og bert við føroyskum kapitali fara undir td nýtt uppisjóvarvirki. Ein vísur maður hevur einferð sagt at verða marknaðarkreftirnar slopnar leysar so fara tær vegir sum eingin ynskir. Hinvegin verða tær settar til viks sláa tær ígjøgnum. Kunsturin er at finna javnvágina. Búskaparfrøðingar hava ikki patent uppá hvat er tað rætta, líka so lítið sum politikarnir hava hendan patentrættin. Haldi at ein yvirskrift sum makrelkorrupsjón, líkist sum búskaparfrøðingar eru teir einastu sum hava loysnina.

      Delete
    3. Eg skrivi at eg leggi onki í um teir verða nevndi strámenn, útlendingar ella sjórænarar - tí hatta tilboðið avdúkar rotinskapin, sum fer fram. Eg havi ikki talað fyri at lata sjórænarar sleppa at fiska undir Føroyum.
      So er tað komið upp á pláss.
      Alt arbeiði, sum føroyingar gera, er hvønn dag "til auksjón". Tá vestmenningar framleiða (framleiddu) plastikkposar, so var tað í fríari kapping við bæði Polen, Teiland og Peru. Tá virkið á Eiði framleiddi brævbjálvar var tað eisini í kapping við allan heimin. Enntá ullavirkini eru í kapping við allan heimin.
      Øll framleiðsla er í kapping við allan heimin.
      Tað, vit skulu tryggja okkum er, at havið um Føroyar, fiskurin í sjónum um Føroyar og undirgrundin, eru undir føroyskum lóggávuræði.
      Tað er heimføðisligur ørskapur at pakka føroysk reiðarí inn í vatt, fyri at verja tey móti kapping.
      Og tey hava heldur ikki brúk fyri verjuni, tí tey skulu nokk klára seg.

      Delete
    4. Okay. So er tann vøran sum eitur amennar tænastur frí. Kenni einki til at almenni sektorurin er í fríari kapping við alheimin. Har skuldi berið nóg mikið at spart. Men trúgvi einki uppá at tað er eitt ynski heldur ikki frá tær at almennar tænastur vóru bodnar á auksjón sum tú kallar tað. Løgið at tit búskaparfrøðingar í Føroyum, eru teir sum eru fortalarar. Løgið at tykkara starvsfelagar í Íslandi og Noregi ikki bera hasi sjónarmiðini fram.

      Delete
    5. Jóannese Jacobsen16 January 2012 at 09:36

      Anonymous, vidvíkjandi tí, at tú heldur at tad er 'Løgið at tykkara starvsfelagar í Íslandi og Noregi ikki bera hasi sjónarmiðini fram', so kann eg upplýsa fyri tær, at okkara starvsfelagar í Íslandi, Noregi og nógvum ødrum londum koma vid akkurát somu vidmælum sum vit um, at eigarin av fiskinum í sjónum skal krevja marknadarprís fyri hann, heldur enn at geva hann burtur ókeypis.

      Delete
    6. Hey Jóannes. Tú og Herman svaraðu ikki uppá hví tann parturin av vøruni sum eitur - tænastur ikki eisini skal seljast á uppiboði. Eri vísur í at so hevði tann almenni sektorurin bæði gerst bíligari og effektivari. Eru tit bagnir fyri kapping?. Jóannes, viðvíkjandi tí sum tú sigur at tykkara samstarvsfelagur í okkara grannalondum eisini hava somu meining sum tit, so hevur tað í hvørt fall ikki sæst aftur í tí politisku lóggevingini ella skipanini í hesum londunum. Til tína útlegging av inntøkum og kostnaði á Vagaportalinum í dag, sært tú fullkomuliga burtur frá multiplikator effektini av at virkdemi er í Føroyum. Hvussu stór hendan multiplikator effektin er, hevur Hermann onki svar uppá. Kanska tú hevur svarið. Eg veit hvat hendan mpe er í okkara grannalondum. Kanka hetta kundi verið eitt arbeiði sum kundi borið okkum longri fram í tjakinum um fiskivinnupolitikkin. Ein fær tað fatan av at tykkara boðskapur um hvussu fiskivinnan skal skipast er tnn einasta rætta. Tað er hon als ikki. Tað eru onnur sum hava minst líka góðan teoretiskan kunnleika sum tit kunnu standa innfyri.

      Delete
  14. This comment has been removed by the author.

    ReplyDelete
  15. Havi ilt við at taka skriving tína fyri fult.

    Í sokallaðu makrelsamgonguni sótu tit, Tjóðveldisfólk,
    við borðendan og ongantíð áður eru so nógv tons /peningur í einum nýggjum fiskiskapi givin so órættvíst út til so fáar útvaldar aktørar. Ein skuldi næstan trúð at tjóðveldisleiðslan, formaður og næstformaður fingu seg vælbetaltan "korrupsión" fyri slíka forfordeiling til nakrar.
    Sum uppstillaður fyri henda flokk, ið hevði avgerandi orðið um makrelfordeilingini í 2011, hvussu smakkar henda avgerðin í tínum munni ??

    ReplyDelete
    Replies
    1. Tað, sum í fjør hendi var ein stór politisk fløkja. tað mesta av fiskinum varð givið burtur til føroyskar reiðarar, sumt fór fyri eitt bureaukratiskt avgjald og nakað varð selt - mest til útlendingarnar, sum bjóðaðu mest. Øll hendan prosessin fór ov seint í gongd, tí at landsstýrið skrædnaði.
      So saman um tikið trúgvi eg ikki at nakar heldur at árið í fjør eydnaðist væl.
      Tað hevur øgiliga lítið við hetta at gera hvussu vit komandi tíðir eiga at umsita fiskatilfeingið búskaparliga of lívfrøðiliga

      Delete
    2. Hetta svar er nest undanførðsla.

      Faktum er at um seinasta ár var ein fløjka so vóru tað tit ið skapaðu hana. Tit (tjóveldisflokkurin) vóru grundarsteinurin undir makrelsamgonguni. Tað var tykkara vilji ið var framdur.
      Tit høvdu ein gyltan møguleika at fremja í verði eina nógv betur skipan av marelifiskiskapinum enn gjørt var. Men tá ið til skarpskeringar kom tá tóku tit og framdu tað stórstu forfordeiling til nakrar ið nakrantíð er hend í nýggjari tíð. Henda avgerðin vísir at muran hjá tykkum er ikki petti betur enn hjá øllum hinum ella runnu nakrir tykkara sum ørðindadreingir fyri stórkapitalin "korrupsión".

      Hvussu deilingin verður frameftir í ár koma tit onga ávirkan at fáa á vegna tykkara avgerð seinasta ár. Veljarin hevur tala.

      Delete
  16. Í dag er tað soleiðis, at reiðarí/skip hava goldið fyri fiskikoyvið OG keypt dagar afturat í loyvið. Hvat við hesari skuldini? Skal hon vera standandi at gjalda hjá teimum sum ERU í vinnuni, meðan tey sum KOMA í vinnna - til ein fiskidagauppboðssølu - bert skulu keypa eitt skip, og síðani kunnu bjóða uppá fiskidagar/kvotur? Tað sigur seg sjálvt, at tey sum HAVA keypt, koma at MISSA tað tey hava keypt, um mann bara fer beint yvir til fiskidagauppboðssølu. Hvussu skal broytingin skipast? Eg gangi so IKKI út frá, at Landið skal betala øllum aftur fyri mist virði og rættindi, ið higartil hava keypt síni fiskiloyvið og dagar.

    Magnus Pauli Poulsen

    ReplyDelete
    Replies
    1. Tað er púra rætt, Magnus Pauli, at fleiri hava keypt sær atgongd inn í vinnuligan fiskiskap. Teir, sum hava keypt fiskiloyvi hava kortini vitað av frammanundan, at tað vóru ikki ævigt galdandi loyvi, og at ognarrætturin tí var avmarkaður. Gerðaloysið hjá politikarunum hevur tí sett vinnurekandi í hesa harmiligu støðuna, at tey skulu keypa vinnuloyvið frá øðrum vinnurekandi, uttan rættuliga at vita hvussu leingi loyvið varar, og tí uttan veruliga at kenna virðið á aktivinum. Hetta setur reiðararnar og bankarnar í tað støðu, at íløgurnar verða serstakliga ótryggar.
      Neyðugt er tí við eini avgerð, sum letur fólk gera íløgur undir greiðari fortreytum.
      Kostirnir eru í prinsippinum tvinnir.
      Antin avtaka vit varandi loyvini, og selja fiskidagarnar (ella fiskiár t.d.), ella lata vit reiðararnar eiga loyvini (ókeypis ella keypt).
      Men endamálið við at broyta skipan er ikki at revsa nakran - endamálið er at gera eina skipan, sum sjálvvirkin eggjar til besta produktivitet í fiskiskapi í allar komandi øldir.
      Tí haldi eg ikki at man í álvara kann lata óhepnu støðuna gerast eina forðing fyri at broyting kemur í lag.
      Óhepna støðan við reiðarum, sum hava keypt loyvini, kann fáa ávirkan á hvussu man setur eina nýggja skipan í verk, men ikki um man setur hana í verk. Tí tað er broytingin alt ov týdningarmikil til.
      Vit kunnu ikki lata føroyskan fiskiskap fara í rot, av syndum sum gjørdar eru fyri tjúgu árum síðan.

      Delete
    2. Eg haldi annars at núverandi skipan er absurd. Í dag keypa skip loyvið og dagar, sum tey so missa aftur tá fiskidagarnir minkað. Og hvat um - undir núverandi skipan - fiskastovnarnir og harvið fiskidagarnir ølkjast aftur? Hvat um fiskistovnanir nú knappliga mennast so nógv, at vit kunnu hava frítt fiskarí? Tá koma tey sum hava keypt EISINI at svíða. Tí tá hava tey goldið fyri nakað sum brádliga verður ókeypis.

      Annars er sjálvandi møguligt at byrja við at selja makrelin á uppboðssølu, eftirsum tað er ein fiskiveiða sum er økt av tí at vit hava tilskrivað okkum størri kvotu.

      Og so taka heimaflotan í 2018...


      Magnus Pauli Poulsen

      Delete
  17. Sakaris Zachariasen
    Hermann, sera góð og viðkomani grein. Havi lisið viðmerkingirnar, til títt skriv, og sum ikki einaferð so er tað maðurin, ið far pláss, meðan bólturin rulla runt utta mál ella mið. Men at vit eiga at fáa eina fólkarórslu, og innsíggja at her er nakað spinnandi galið, er ikki sum at siga tað. Fyrst av øllum verða vit noydd at skija trupulleikan - ella er núverðandi skipan yvirhøvur ein trupulleiki? Ella er tað okkurt heit annað, ið er galið - øvinsjúka - de kloge snyder de mindre kloge elle er klandur so kjølfest í okkum at illa kemst víðari. At Tjóðveldi gjørdi eina klossuta roynd at selja makrel á uppboði í 2011, hevur gjørt máli meira fløkt enn tað var áður, og var tann ólukkan ein funni fressue fyri rákapitalistinar at sáa niður í fáviskuna hjá okkum deyðiligu, so hesi fáa loyvia at skrála út á Geil, hvussu býtt vit onnur eru. Fari tí at heita á teg um ikki at sleppa tránum, men vísa teg sum ein mann, og koma við loysnum á trupulleikanum - men lætt er tað ikki.

    ReplyDelete
    Replies
    1. Jóannes Jacobsen16 January 2012 at 09:29

      Sakaris, hví sigur, tú, at tad var ein 'klossut roynd at selja makrel á uppboði í 2011'? Eg haldi, at uppbodssølan virkadi avbera væl. Ístadin fyri at fáa 0 krónur í sín part, so fekk eigarin av makrelinum, t.e. Føroya fólk, 3,60 kr/kg. Hvat er klossut vid hesum?
      Og ikki koma vid argumentum um mist arbeidspláss í Føroyum og slíkum. Allur makrelurin, id vard seldur á uppbodi, bleiv fiskadur av føroyskum skipum.

      Delete
  18. Vit eru so tolin og fitt og tora onki at siga - bangin fyri at verða uppsøgd,- skilji tað væl, men hví lata teg reyvrenna ferð eftir ferð til tú ikki orkar meir, verður stressaður / tunglyntur og í ringasta føri langtíðar- sjúkrameldaður/fyritíðaarpensioneraður? HVÍ???

    ReplyDelete
  19. Hermann Oskarsson
    Gott at eiga kvalifiseraðar menn sum teg, sum tora at siga sína meining.

    ReplyDelete
  20. Gott nýggjár 2012 : Væl skrivað Hermann Oskarsson ! Men lykilin til hettar málið liggur í "Pengar" Og hvør sum stýrir hesum til vinnuna, og tekur ágóðan aftur....Her hjálpir ikki klók orð um "Ráðevni" Burðardygt" og fiskiskap. Politikkur nyttar heldur ikki. Tí tað sum bindir hesi saman sum hava valdið er "Pengar" Innside vitan" og brøðralag í samkomuni, Sum út at til hevur ein "Boostara" í kristnum fólki sum tilbiðja og forsvarða leiðsluna, sum eisini er leiðsla í "Peninga kervinum".... So her nytta orð onkið. Tey rýna ikki við....Vældið og pengarnir eru her knýtt saman til eina eind, sum mjólkar ágóðan úr samfelagnum. Eins og "Mafian" í øðrum samfeløgum, runt heimin...

    ReplyDelete
  21. Hetta evnið, sum tú viðgerð her á blogginum, er, umframt at hava sera stórar fíggjarligar avleiðingar, eisini ein umráðandi prinsipiellur spurningur.

    Hvussu skal føroyskur tilfeingispolitikkur skipast? Um munur verður gjørdur, frá einum tilfeingi til annað. Hvør er so orsøkin til munin? Og hvussu tryggjar politiska skipanin, at førdi tilfeingispolitikkurin er til frama fyri føroyskan framburð, tryggjar at vit mennast, sum (í hesum føri) fiskivinnu-tjóð.

    Førdi bundni fiskivinnupolitikkurin seinastu nógvu árini, hevur viðført, at vit ikki hava havt neyðugu menningina, sum tíðandi útbjóðari av føroyskum fiskaúrdráttum.
    Stórsti parturin av okkar úrdráttum, fara æntin sum rávøra, ella hálv viðgjørdar vørur av landinum.

    Vit hava havt tørv á einum fiskivinnu reformi í fleiri ára tíggjur, men vit halda áfram í einum bundnum og alt ov líti liðiligum ídnaði, har sambandi ímillum veiðiliðið, framleiðsluna og søluna, hevur verið merkt av misáliti á hvønn annan, heldur enn felagsáhugamáli og synergi efektina av, at hava eina felags strategi fyri føroyskum fiskaúrdráttum.

    Nú eru vit komin heilt har út, at politiska skipanin, fyri opnum skermi, deilir okkara stóru virðir út, til útvaldar føroyingar og útlendingar. Virðir fyri hundraðtals milliónir, sum undir skipaðun umstøðum, kundu komi føroya fólki, tjóðini og framburði í vinnuni til góðar.

    Tað sum undrar meg mest er, at vanligi føroyingurin, sum í roynd go verðu, einki fær av hesum virðum, ikki gerð fólkauppreistur. Hvussu berð tað til, at vit hyggja at, at útvaldir føroyingar forvinna sær ónáttúrliga nógvan pening, sum í roynd og verðu hoyra heima, til menning av samfelagnum og vinnuni? Hví eru vit so undirbráttlig, at vit ikki krevja, at okkara felagsvirðir verða gagnýtt optimalt í samfelagnum? Hví taka vit ikki eitt felags lógvatak og fremja tær broytingar sum eru neyðugar?

    Vit hava øll eina samfelagsskyldu, at menna hesa tjóðina, bæði fyri okkum og fyri okkara næstu ættarlið.

    Tað hevur verið nógv tosað um, at ein frí kapping, bert gevur útlendingum atgongd til okkara fisk. Útlendingar hava og vilja altíð hava atgongd til okkar fiskiríkidømi. So at siga allur okkara fiskaúrdráttur endar á útlendskum marknaðum. Tað er og verður altíð útlendskur peningur, sum vil gjalda fyri okkara útflutning. Spurningurin er bert, hvønn útlendingurin skal gjalda til?? Skal útlendingurin gjalda alla upphæddina til útvaldar føroyingar, ella skal hann gjalda føroya fólkið tað, sum fólkinum hoyrir til?

    Fiskivinnan er ikki annarleiðis enn einhvør onnur vinna! Vit eiga at fáa kapping í øll liðini í fiskivinnuni, soleiðis at tann sum vil gjalda fyri fiskidagar, ongantíð bjóðar meira, enn at viðkomandi meinar at peningur kann forvinnast við givna prísinum. Soleiðis verður lættari framkomiligt at vinnuni og harvið nýggir tankar og atgerðir, meira innovatión og mennan av Know-how. Alt í alt, ein mennandi og framhyggjandi vinna og eitt samfelag við framburði til frama fyri alla tjóðina.

    Tað kann hugsast, at ikki allir verandi aktørarnir í vinnuni verða kappingarførir, í einari fríari kapping, men spurningurin er so, um hesir ikki eru í einari skeivari vinnu. Tað er ikki víst, at ein veður kappingarførur, bert tí at ein kennir fiskimálaráharran betur enn granniin!!

    ReplyDelete
  22. Um vit fingu eina skipan, við umsetiligum loyvum á einum fríum marknaði, tvs á øllum okkara fiskivinnum, so sum botnfiski (eisini kvoturnar í Barentshavinum), alifiski og pelagiskum fiski, so høvdu vit helst fingið eina árliga inntøku í landskassan uppá uml. kr. 1,5 Mia. (uml. kr/íbúgva 315.000,-).

    Tað er rætt, at feløgogini í vinnuni, ikki høvdu havt somu botnlinjuna og helst hevði manningarparturin á nótaskipinum ikki verði kr. 10.000,- um dagin, men hinvegin, so hevði eingin bjóða meira uppá loyvini, enn at viðkomandi helst seg kunna forvinna pening, eins og í øllum øðrum vinnum.

    ReplyDelete